ஸ்டூடன்ட் நம்பர் ஒன் படத்தில் அறிமுகமான சிபிராஜ், அதன்பின், பல படங்களில் நடித்தார். அதில், பிரபு சாலமன் இயக்கத்தில் நடித்த, லீ அவரை, புதிய கோணத்தில் வெளிப்படுத்திய படம். இருப்பினும், படங்களின் தோல்வி சிபிராஜின் ஹீரோ மார்க்கெட்டை சரித்து விட்டது. அதனால், ரூட்டை மாற்றுவோம் என்று, நாணயம் படத்தில் வில்லனாக நடித்தார். அந்தபடத்தில், சிபிராஜின் நடிப்பு பேசப்பட்டபோதும், அதன்பின், பல ஆண்டுகளாக அவருக்கு படவாய்ப்புகளே இல்லை.
அதனால், இப்போது நாய்கள் ஜாக்கிரதை என்ற படம் மூலம், மறுபடியும் அரிதாரம் பூசிவிட்டார் சிபிராஜ். ராணுவ புலனாய்வு நாய் ஒன்று, முக்கிய வேடத்தில் நடிக்கும் இப்படத்தில், சராசரி ஹீரோவாக இல்லாமல், மாறுபட்ட கதாபாத்திரத்தில் நடிக்கும் சிபிராஜ், தன் உடல் எடையை குறைத்திருப்பதோடு, ஹேர் ஸ்டைலையும் புதுமையான முறையில் மாற்றியுள்ளார்.
