இரண்டாம் உலகம் படத்திலிருந்து விலகியது ஏன்? ஹாரிஸ் ஜெயராஜ் விளக்கம்

    செல்வராகவன் இயக்கிய இரண்டாம் உலகம் படத்திற்கு ஹாரிஸ் ஜெயராஜ்தான் இசை அமைத்து வந்தார். கடைசி நேரத்தில் அவர் விலகிக்கொள்ள பின்னணி இசையை கவனித்தார் அனிருத். இரண்டாம் உலகத்திலிருந்து விலகியது ஏன்? என்பதற்கு இப்போது ஹாரிஸ் ஜெயராஜ் விளக்கம் அளித்துள்ளார். அவர்கூறியிருப்பதாவது:

ரொம்ப நாளைக்கு முன்னாடியே ஆரம்பிச்ச படம் இரண்டாம் உலகம். அதாவது துப்பாக்கி சமயத்தில் ஆரம்பிச்ச படம். அப்புறம் திடீர்னு வந்து படத்தை முடிச்சிட்டேன் இத்தனை நாளைக்குள்ள மியூசிக் போட்டுத் தரணும்னு செல்வா கேட்டாரு. 3 படத்தோட ஒர்க் போயிட்டிருக்கு என்னால அவசரப்பட்டு எந்த படத்துக்கும் இசை அமைக்க முடியாது. ரொம்ப அவசரம்னா வேற யாரரையாவது வச்சு பண்ணிக்குங்கன்னு சந்தோஷமாத்தான் சொன்னேன். மற்றபடி எனக்கு வருத்தமெல்லாம் இல்லை.

பாட்டுங்றது காலத்தை கடந்து நிக்கணும். அதை அவசரப்பட்டு செய்ய முடியாது. மின்னலே உங்களுக்குதான் முதல் படம் எனக்கு 601வது படம். அதுக்கு முன்னாடி 600 படங்களுக்கு கீபோர்டு வாசிச்சிருக்கேன். சில படங்கள்ல என்னோட பாட்டு சரியா அமையாம இருந்திருக்கலாம். ஆனா மற்ற பாடல்களை கொண்டாடியிருக்காங்க. 13 வருஷத்துல 40 படத்துக்குதான் மியூசிக் பண்ணியிருக்கேன். அந்த அளவுக்கு இசையை ரசிச்சு, நேசிச்சு பண்றேன் என்கிறார் ஹாரிஸ்.