கார்த்தி திடீர் முடிவு -பொங்கலுக்கு முன் ‘பிரியாணி’

        கார்த்தி நடிக்கும் ‘பிரியாணி‘ படம் பொங்கலுக்கு முன் ரிலீஸ் ஆகிறது. ராஜேஷ் இயக்கிய ‘அழகுராஜா‘, வெங்கட் பிரபு இயக்கும் ‘பிரியாணி‘ இரண்டு படங்களில் கார்த்தி நடித்து வந்தார். முதலில் எந்தபடத்தை ரிலீஸ் செய்வது என்பதில் குழப்பம் ஏற்பட்டது. இரண்டு படங்களிலும் மாறி மாறி நடித்து வந்தார் கார்த்தி. இறுதியில் தீபாவளி தினத்தில் ‘அழகுராஜா‘ படம் ரிலீஸ் ஆனது. அத்துடன் ‘பிரியாணி‘ பட டிரைலர் வெளியிடப்பட்டது. ‘அழகுராஜா‘ படங்கள் ஓடும் தியேட்டரில் ‘பிரியாணி‘ பட டிரைலர் காட்டப்பட்டது. ‘பிரியாணி‘ படத்தின் கிராபிக்ஸ் பணிகளுக்கு அதிக நாட்கள் எடுத்துக்கொண்டதால் பட ரிலீஸில் தாமதம் ஏற்பட்டதாக யூனிட்டார் தெரிவிக்கின்றனர். வரும் பொங்கல் தினத்தில் படத்தை வெளியிட எண்ணியிருந்தனர். தற்போது அந்த முடிவில் மாற்றம் ஏற்பட்டிருக்கிறது. பொங்கலுக்கு முன்னதாக கிறிஸ்துமஸ் தினத்தில் ரிலீஸ் செய்ய முடிவு செய்திருக்கின்றனர். ‘சென்னை 28‘, ‘மங்காத்தா‘ போன்ற படங்களை இயக்கிய வெங்கட் பிரபுவின் பாணியிலேயே படம் உருவாகி இருக்கிறது. யுவன் சங்கர் ராஜா இசை அமைத்திருக்கிறார். இது யுவன் இசை அமைக்கும் 100வது படம்.