ஸ்ருதி ஹாசனை தொடர்ந்து கமலின் இரண்டாவது மகளும் தனுஷுக்கு ஜோடியாகிறார்.

   தனுஷுக்கு ஜோடியாக கமலின் இரண்டாவது மகள் அக்ஷரா ஹாசன் நடிக்க உள்ளார்.

பாலிவுட்டில் ‘சீனி கம்’, ‘பா’ போன்ற படங்களில் அமிதாப்பச்சனை இயக்கிய ஆர்.பால்கி, அடுத்ததாக அமிதாப்பச்சன், ஷாருக்கான் இணையும் புதிய படம் ஒன்றை இயக்கவிருந்தார். தற்போது இந்தப் படத்தில் ஷாருக்கானுக்குப் பதிலாக தனுஷ் நடிக்கவிருக்கிறார்.

இதில் தனுஷிற்கு ஜோடியாக கமலின் இரண்டாவது மகள் அக்ஷரா ஹாசன் நடிக்கிறார். இதன் மூலம் கமலின் இரண்டாவது மகளும் திரையுலகிற்கு அடியெடுத்து வைக்கிறார். ஏற்கெனவே கமலின் மூத்த மகள் ஸ்ருதி ஹாசன் நடிக்க வந்துவிட்டார். படத்திற்கு பால்கியின் ஃபேவரைட் இளையராஜா இசையமைக்கிறார். பி.சி.ஸ்ரீராம் ஒளிப்பதிவு செய்கிறார்.

தனுஷ் அறிமுகமான பாலிவுட் படம் வெற்றி பெற்றால் ஒரு சிறிய இடைவெளிக்குப் பிறகு பெரிய கூட்டணியுடன் கைகோர்க்கிறார். இப்போதைக்கு தமிழில் ‘வேலையில்லா பட்டதாரி’, ‘அனேகன்’ படத்தில் பிஸியாக நடித்து வரும் தனுஷ், மீண்டும் தன் பார்வையை பாலிவுட் பக்கம் திருப்பி இருப்பது குறிப்பிடத்தக்கது.