நீண்ட இடைவேளைக்குப்பிறகு பாண்டியநாடு மூலம் வெற்றிக்கனியை பறித்திருக்கிறார் விஷால். அதிலும் தனது விஷால் பிலிம் பேக்டரி மூலம் தயாரித்த இந்த படத்தை சொன்ன தேதியில் சரியான வெளியிட்டு நல்லதொரு தயாரிப்பாளராகவும் நிரூபித்திருக்கிறார். முக்கியமாக தனது நிறுவனத்தில் தயாரிக்கப்பட்ட முதல் படமே தனக்கு வெற்றியை கொடுத்திருப்பதால் மீண்டும் அடுத்த படத்தையும் தானே தயாரித்து நடிக்கிறார் விஷால். கூடவே யுடிவியும் தயாரிப்பில் அவருடன் கைகோர்த்திருக்கிறது.
ஆக, அடுத்த படமான நான் சிகப்பு மனிதன் படப்பிடிப்பில் பிசியாகி விட்ட விஷால், அந்த படத்திற்கும் தனது பாண்டியநாடு கதாநாயகியான லட்சுமிமேனனையே ஒப்பந்தம் செய்திருக்கிறார். மேலும், இன்னொரு கதாபாத்திரத்திற்காக வாகை சூடவா, மெளனகுரு படங்களில் நடித்த இனியாவை இணைத்திருக்கிறார்.
இப்படத்தின் டைரக்டரான திரு, படத்திற்கு இன்னொரு கதாநாயகி தேடிவந்தபோது, வாகை சூடவா மட்டுமின்றி அன்னக்கொடி படத்திற்காக எடுக்கப்பட்ட இனியாவின் புகைப்படங்கள் அவரை வெகுவாக பாதித்ததாம். அதனால், லட்சுமிமேனனுக்கு இணையாக நடிக்கத் தெரிந்த நல்ல நடிகை அவர் என்று இனியாவுக்கு இந்த வாய்ப்பினை கொடுத்திருக்கிறார்களாம்.
கதைப்படி செகண்ட் ஹீரோயினி வேடம்தான். என்றாலும், தமிழில் சறுக்கிக்கிடக்கும் தனது மார்க்கெட்டை தூக்க நிறுத்தவே உடனே சம்மதம் தெரிவித்திருககும் இனியாவுக்கு, பாடல் காட்சி மட்டுமின்றி, பர்பாமென்ஸ் காட்சிகளும் நிறைய உள்ளதாம்.
com.jpg)
